介绍： 唔知道从几时开始，你习惯左一出门口，就要带定把遮响身。你话出太阳嘅时候，把遮可以用来防紫外线，落雨嘅时候更加可以避免被雨淋。渐渐你越来越依赖呢把遮，出门口一定要带住佢，否则就周身唔安乐。但系有一日你忘记左带遮，而啱啱果一日出太阳，又落雨你先致发现，原来洒响身上面嘅阳光，其实好温暖，落响身上面嘅雨水，亦都令到你...

介绍： 唔知道从几时开始，你习惯左一出门口，就要带定把遮响身。你话出太阳嘅时候，把遮可以用来防紫外线，落雨嘅时候更加可以避免被雨淋。渐渐你越来越依赖呢把遮，出门口一定要带住佢，否则就周身唔安乐。但系有一日你忘记左带遮，而啱啱果一日出太阳，又落雨你先致发现，原来洒响身上面嘅阳光，其实好温暖，落响身上面嘅雨水，亦都令到你感到好清凉，呢种感觉就好似你一直担心住某一件事，但果件事真系发生嘅时候，你先致发现，原来自己系可以顶得住噶。而果一把遮正正就代表左果种虚幻嘅依赖，其实你需要嘅并唔系佢，而系响任何状况底下都能够接受嘅安定同安然。真正嘅安全感就响我地里面，无论外面点样风吹雨打，又或者烈日直射，其实都唔会影响你，因为你知道自己可以承受一切嘅变化，而且你都知道，往往系想像令人不安咋。当你真正面对，你心里面担忧嘅状况，你就会发现，原来世界冇乜野事情系过唔到。
涉嫌侵权的歌曲可能有《装饰的眼泪》